2016 جىلعى 22 قاڭتار , استانا قالاسى
«مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 18 اقپانداعى № 133 بۇيرىعىنا وزگەرىستەر ەنگىزۋ تۋرالى
«مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسى زاڭىنىڭ 9-بابىنىڭ 13) تارماقشاسىنا سايكەس بۇيىرامىن:
1. «مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 18 اقپانداعى № 133 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10501 بولىپ تىركەلگەن, «ەگەمەن قازاقستان» گازەتىندە 2015 جىلى 9 شىلدەدە № 129 (28607), «ادىلەت» اقپاراتتىق-قۇقىقتىق جۇيەسىندە 2015 جىلى 9 شىلدەدە جاريالانعان) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىندا:
15-تارماقتىڭ 9) تارماقشاسى مىناداي رەداكتسيادا جازىلسىن:
«9) مەملەكەتتىك قىزمەتتەردى «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى كورسەتۋ.»;
1-قوسىمشادا:
3-تارماقتىڭ 6) تارماقشاسى مىناداي رەداكتسيادا جازىلسىن:
«6) «قالاي بولادى» قىزمەتىن كورسەتۋ پروتسەسىنىڭ سيپاتتاماسى.
كىشى بولىمدە وڭتايلاندىرۋدى جانە اۆتوماتتاندىرۋدى ەسكەرە وتىرىپ, قىزمەت كورسەتۋدىڭ نۇسقالارى «قالاي بولادى» قىزمەتىن كورسەتۋ پروتسەستەرىنىڭ سحەمالارى جانە ولاردىڭ ماتىندىك تۇسىندىرمەلەرى تۇرىندە سيپاتتالادى. قىزمەتتى كورسەتۋدىڭ بىرنەشە بالامالى نۇسقالارى («ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى, مەملەكەتتىك ورگاننىڭ كەڭسەسى, ەلپ نەمەسە ەۇپ ارقىلى) بولعان جاعدايدا, سحەمالار مەن ولاردىڭ سيپاتتاماسى ءار نۇسقا ءۇشىن جەكە قۇرىلادى.
«قالاي بولادى» قىزمەتىن كورسەتۋ پروتسەسىنىڭ سحەماسىن سيپاتتاۋ جانە قۇرۋ قاعيداتتارى «قازىرگى تاڭدا» پروتسەسىن سيپاتتاۋعا ۇقساس.
«قالاي بولادى» پروتسەسىن سيپاتتاۋدا مىنالار كورىنىس تابادى:
ىشكى جانە سىرتقى پورتالدارعا بولە وتىرىپ, ەۇپ پەن ەلپ-ءتىڭ قاتىسۋى;
باسقا اقپاراتتىق جۇيەلەرمەن نەمەسە دەرەكتەر قورلارىمەن ءوزارا ءىس-قيمىل;
پروتسەسكە بارلىق قاتىسۋشىلاردىڭ ەۇپ-پەن نەمەسە ەلپ-پەن ءوزارا ءىس-قيمىلى;
بارلىق مۇمكىن بولاتىن كىرۋ مەن شىعۋلار ء(وتىنىشتى قابىلداۋ, ناتيجەسىن بەرۋ).
2-قوسىمشادا:
2-تارماقتىڭ 2) تارماقشاسى مىناداي رەداكتسيادا جازىلسىن:
«2) مەملەكەتتىك قىزمەتتى كورسەتۋ پروتسەسىنە قاتىساتىن اقپاراتتىق جۇيەلەردى (مەملەكەتتىك قىزمەتتى كورسەتۋ پروتسەسىن اۆتوماتتاندىرعان جاعدايدا) ءوزارا جانە «ەلەكتروندىق ۇكىمەتتىڭ» ۆەب-پورتالىمەن نەمەسە «ەلەكتروندىق ليتسەنزيالاۋ» ۆەب-پورتالىمەن جانە (نەمەسە) مەملەكەتتىك قىزمەتتەردى كورسەتۋ مونيتورينگىنىڭ اقپاراتتىق جۇيەسىمەن ينتەگراتسيالاۋدى قوسا العانداعى مەرزىمدەرى مەن ورىندالۋ ءتارتىبى.».
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (ت.ب.قازانعاپ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە مەرزىمدى كۇنتىزبەلىك ون كۇن ىشىندە باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەلەكتروندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ, بىراق 2016 جىلعى 1 ناۋرىزدان بۇرىن ەمەس قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 24 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13203 بولىپ ەنگىزىلدى.